Turġien

 
 

Go to English version

 
     
 

Lejla ta' Letteratura u Mużika - Is-Sibt 14 ta' Ottubru, 2006 - Bitħa tat-Teatru Manoel

 
     
 

TURĠIEN huwa proġett artistiku ta' sentejn (2006-07) li "jirrakkonta" l-Belt Valletta u jinqeda bit-turġien bħala punt ta' riferiment tematiku u viżiv.


Fih qed jieħdu sehem kittieba, artisti u mużiċisti Maltin u barranin, li jiffoka fuq il-Belt Valletta u jispira ruħu mix-xbieha u/jew it-tema tat-turġien li hemm il-Belt.

 

Dan il-proġett qed jitmexxa minn Inizjamed, bi sħab ma' grupp ta' artisti mill-Iskola ta' l-Arti mmexxija minn Anton Grech, mal-proġett internazzjonali Literature Across Frontiers (Sealines) b'finanzjament mill-programm Kultura 2000 ta' UE,  mal-British Council, il-Programm ta' għajnuna għaż-żgħażagħ fi ħdan il-Ministeru ta' l-Edukazzjoni, iż-Żgħażagħ u x-Xogħol, it-Teatru Manoel, u l-Kunsill Malti tal-Kultura u l-Arti.

 

Uħud mill-kittieba u l-artisti involuti fil-proġett Turġien huma: Clare Azzopardi, John Betts, Joyce Borg, Norbert Bugeja, Marica Busuttil, Alison Camilleri, Antoine Cassar, Anabel Cordina, Lisa Falzon, Claudia Fiorini, Esmeralda Galea Camilleri, Vince Fabri, Maria Grech Ganado, Anton Grech, Henry Holland, Simone Inguanez, Roderick Mallia, Adrian Mifsud, Immanuel Mifsud, Robert Minhinnick, Laima Muktupavela, Walid Nabhan, Pierre Portelli, Mikko Rimminen, Ġużè Stagno, Leslie Vassallo, u Irene Zammit.

 

 
 
 
 

 

 
 

Turġien fil-Bitħa tat-Teatru Manoel

Is-Sibt 14 ta' Ottubru 2006 - 8.00pm

 

Laima  Muktupavela (Latvja)

Nhar is-Sibt, 14 ta' Ottubru, fit-8.00pm fil-Bitħa tat-Teatru Manoel, Inizjamed se tippreżenta “Turġien,” xogħlijiet letterarji ġodda minn awturi minn Malta, Wales, il-Finlandja, u l-Latvja li qed jieħdu sehem fi proġett ta’ sena u nofs dwar il-Belt Valletta.

 

Il-mistiedna speċjali fil-lejla se tkun Esmeralda Galea Camilleri li se ddoqq biċċiet ta’ mużika ispirati mill-Belt fuq l-arpa. Se jintwerew ukoll għadd ta’ ritratti. Id-dħul għal “Turġien” huwa b’xejn u kulħadd huwa mistieden.

 

Il-kittieba u l-artisti li se jieħdu sehem huma Clare Azzopardi, John Betts, Norbert Bugeja, Antoine Cassar, Priscilla Cassar, Claudia Fiorini, Maria Grech Ganado, Adrian Grima, Simone Inguanez, Roderick Mallia, Robert Minhinnick (Wales), Laima Muktupavela (Latvja),  Walid Nabhan, Mikko Rimminen (Finlandja), Ġużè Stagno, u Leslie Vassallo.

 

Uħud mix-xogħlijiet se jinqraw mill-attriċi Marcelle Teuma li bħalissa qed tidderieġi xogħol teatrali “L-Interdett taħt is-Sodda” li se jittella’ fl-ewwel tmiem il-ġimgħa ta’ Novembru fil-Kavallier ta’ San Ġakbu.

 

Din l-attività hija parti mill-proġett ta’ kitba internazzjonali bl-isem ta’ Sealines immexxi minn Literature Across Frontiers bi sħab ma’ Inizjamed u b’finanzjament mill-programm Kultura 2000 ta’ l-Unjoni Ewropea. F’Sealines qed jieħdu sehem sitt ibliet portwali Ewropew: Cardiff (Wales), Koper (Slovenja), Galway (Irlanda), Ħelsinki (Finlandja), Riga (Latvja),  u l-Belt Valletta.

 

Fil-proġett “Turġien,” artisti minn oqsma differenti "jirrakkontaw" il-Belt Valletta u jinqdew bit-turġien bħala punt ta' riferiment tematiku u viżiv għar-rakkont tagħhom.

 

Awturi mill-Finlandja, il-Latvja u Wales

 

Robert Minhinnick (Wales)

Il-kittieb ewlieni Robert Minhinnick twieled Neath, fin-nofsinhar ta’ Wales fl-1952. Studja fl-universitajiet ta’ Aberystwyth and Cardiff, u mbagħad ħadem fil-qasam ambjentali u kien wieħed mill-fundaturi tal-fergħa ta’ Friends of the Earth ta’ Wales (Cymru). Għal xi snin kien wieħed mill-koordinaturi ewlenin ta’ din l-organizzazzjoni ambjentali ewlenija. Fil-qasam letterarju huwa l-editur tar-rivista internazzjonali li toħroġ kull tliet xhur, Poetry Wales.

 

Robert Minhinnick ippubblika żewġ ġabriet ta’ artikli twal bl-isem ta’ Watching the Fire Eater (1992), li rebaħ il-premju tal-Kunsill ta’ l-Arti ta’ Wales għall-aħjar ktieb fl-1993; u Badlands (1996), kitbiet dwar l-Albania ta’ wara l-era komunista, California, Wales u l-Ingilterra. Huwa wkoll l-editur ta’ Green Agenda: essays on the environment of Wales (1994). Il-ktieb tiegħu To Babel and Back, li ħareġ fl-2005 rebaħ il-premju għall-aħjar ktieb f’Wales fl-2006. 

 

Fost il-kotba ta’ poeżija li ppubblika hemm A Thread in the Maze (1978); Native Ground (1979); Life Sentences (1983); The Dinosaur Park (1985); The Looters (1989); u Hey Fatman (1994). Carcanet ippubblikat għażla tal-poeżiji tiegħu f’Selected Poems ta’ l-1999 u After the Hurricane (2002). Fl-2003 ħareġ il-ktieb bi traduzzjonijiet tiegħu ta’ poeżiji magħrufin miktubin bil-Welsh, The Adulterer's Tongue: An Anthology of Welsh Poetry in Translation. Robert Minhinnick jgħix f’Porthcawl, fin-nofsinhar ta’ Wales u se jkun Malta sa l-aħħar ta’ Ottubru biex jikteb dwar il-Belt Valletta.

 

Mikko Rimminen (tw. 1975) hija poeta u rumanzier Finlandiż li l-ewwel ġabra ta' poeżiji tiegħu Jännittävää olisi nähdä pihalla lintuja (It would be exciting to see birds in the garden) dehret fis-sena 2000 u ntlaqgħet tajjeb ħafna mill-kritiċi u mill-pubbliku. Ippubblika wkoll ktieb oriġinali dwar l-annimali bl-isem ta' Hämärä luonto (Obscure nature) flimkien ma' Kyösti Salokorpi. Il-ħlejjaq li hemm fil-ktieb ħarġu minn figuri tat-taħdit, bħal "a bar fly," "stock market shark" u "laboratory rabbit" ("guinea pig"). Rimminen studja l-letteratura Finlandiża fl-Università ta' Ħelsinki.

 

L-awtriċi Latvjana Laima Muktupavela, li tikteb ukoll taħt il-psewdonimu, Felikss Baranovskis, twieldet f'Rezekne fl-1962 u studjat l-istorja fl-Università Latvjana. Ħadmet bħala impjegata fi sptar, bħala mudella fl-Akkademja ta' l-Arti tal-Latvja, u arkivista, u fl-Irlanda kienet tagħżel il-faqqiegħ.

 

L-ewwel rumanz tagħha, Sampinjonu Deriba (Il-Patt tal-Faqqiegħ, 2002) intlaqa' verament tajjeb u warajh ħarġet Cilpa (Il-Ħabel, 2003) u Mila. Benjamina (L-Imħabba. Benjamine, 2005). Laima Muktupavela ħarġet ukoll ġabra ta' novelli bl-isem ta' Ducis (Tużżana, 2002), u żewġ drammi, Ka dala no visa (Parti minn Kollox, 1995) u Brinumu nakts (Il-Lejl Mirakoluż, 2001). Ġabret ukoll xogħlijiet letterarji biex jidhru fuq il-portal kulturali www.kultura.lv u kitbet screenplay għal proġett ġdid dwar l-esperjenzi tal-Latvjanai li jgħixu fl-Irlanda.

 

Proġett Internazzjonali

 

Il-lejla ta’ letteratura u mużika ta’ nhar is-Sibt li ġej se tkun ukoll parti mill-attivitajiet tal-Lejl Imdawwal ġewwa l-Belt Valletta kkoordinati mill-Kunsill Malti tal-Kultura u l-Arti. “Turġien” qed jittella’ bl-għajnuna tal-British Council, li għenu biex il-kittieb magħruf minn Wales, Robert Minhinnick, ikun jista’ jżur Malta għal xahar biex jikteb, il-Ministeru ta’ l-Edukazzjoni, iż-Zgħażagħ u x-Xogħol, it-Teatru Manoel, il-Latvian Literature Centre, u Literature Across Frontiers.

 

Fuq il-websajt www.inizjamed.org hemm aktar tagħrif dwar “Turġien” u proġetti lokali u internazzjonali oħrajn ta’ Inizjamed. Ara l-programm sħiħ tal-Lejl Imdawwal.

 
     
 
 
     
 

Turġien in the Manoel Theatre Courtyard

Saturday 14 October 2006 - 8.00pm

 

Laima  Muktupavela (Latvia)

On Saturday, 14 October at 8.00pm in the Manoel Theatre Courtyard in Valletta, Inizjamed will be presenting new literary works by writers from Malta, Wales, Finland, and Latvia as part of its 18-month artistic project “Turġien” (Steps) about Valletta.

 

The special guest will be harpist Esmeralda Galea Camilleri who will be playing music inspired by the city of Valletta. Some of the poems and short stories will be accompanied by photos and other visual material.

 

Entrance to “Turġien” is free and the general public is welcome to attend. Works by the foreign writers will be read mainly in English. The Maltese literary works will be read in Maltese with brief introductions in English.

 

The writers and artists who will presenting their works are Clare Azzopardi, John Betts, Norbert Bugeja, Antoine Cassar, Priscilla Cassar, Claudia Fiorini, Maria Grech Ganado, Adrian Grima, Simone Inguanez, Roderick Mallia, Robert Minhinnick (Wales), Laima  Muktupavela (Latvia), Walid Nabhan, Mikko Rimminen (Finland), Ġużè Stagno, and Leslie Vassallo.

 

Actress and theatre director Marcelle Teuma, who is currently directing the new play by Clare Azzopardi “L-Interdett taħt is-Sodda” that will be performed at St. JAmes Cavalier on the first weekend of November, will be reading some of the new poems and short stories by the Maltese writers.

 

Turġien is part of an international writing project called Sealines run by Literature Across Frontiers in collaboration with Inizjamed and supported by the Culture 2000 programme of the EU. The six port cities participating in Sealines are Cardiff (Wales), Koper (Slovenia), Galway (Ireland), Helsinki (Finland), Riga (Latvia), and Valletta.

 

In "Turġien," writers, musicians and visual artists are "narrating" Valletta from their own individual perspectives and the "steps" serve as a visual and/or thematic point of reference.

 

Guest Foreign Writers

 

Robert Minhinnick was born in 1952 in Neath, South Wales and now lives in Porthcawl, also in the South of Wales. He grew up near Bridgend and studied at the universities of Aberystwyth and Cardiff, then after working in an environmental field, co-founded Friends of the Earth (Cymru) and became the organisation’s joint co-ordinator for some years. He is advisor to the charity, 'Sustainable Wales' and edits the international quarterly, Poetry Wales.

 

As well as being an active environmental campaigner, he is an essayist and poet, having published two collections of essays: Watching the Fire Eater (1992), winner of the 1993 Arts Council of Wales Book of the Year Award; and Badlands (1996), essays about post-communist Albania, California and the state of Wales and England.  He has also edited Green Agenda: essays on the environment of Wales (1994). His book, To Babel and Back, was published in 2005 and won the 2006 Wales Book of the Year Award. 

 

His poetry collections include A Thread in the Maze (1978); Native Ground (1979); Life Sentences (1983); The Dinosaur Park (1985); The Looters (1989); and Hey Fatman (1994). A Selected Poems was published by Carcanet in 1999, followed by After the Hurricane (2002). In 2003, the same publisher issued his translations from the Welsh, The Adulterer's Tongue: An Anthology of Welsh Poetry in Translation.

 

Mikko Rimminen (b. 1975) is a Finnish poet whose acclaimed debut collection of poems Jännittävää olisi nähdä pihalla lintuja (It would be exciting to see birds in the garden) appeared in 2000. This spring, he published an original animal book entitled Hämärä luonto (Obscure nature) in collaboration with Kyösti Salokorpi. Its creatures have emerged from figures of speech, including, e.g., a bar fly, stock market shark and laboratory rabbit (guinea pig). Rimminen is studying Finnish literature at the University of Helsinki.

Laima Muktupavela
 

The author Laima Muktupavela, who also writes under the pseudonym Felikss Baranovskis, was born in Rezekne in 1962 and studied history at the Latvian University. She has held many different jobs - as an orderly at a hospital, a model at the Latvian Art Academy, an archivist, and as a mushroom sorter in Ireland. Her first novel Sampinjonu Deriba (The Mushroom Covenant, 2002) was widely acclaimed and was followed by Cilpa (The Rope, 2003) and Mila. Benjamina (Love. Benjamine, 2005). She has also published a collection of short stories, Ducis (A Dozen, 2002), and two plays, Ka dala no visa (Being a Part of Everything, 1995) and Brinumu nakts (The Miraculous Night, 2001). Laima Muktupavela is currently compiling texts for publication on the cultural portal www.kultura.lv and writing a screenplay for a new project on the experiences of Latvians living in Ireland.

 

An International Project

 

The literature and music evening at the Manoel Theatre on Saturday 14th October is one of the events in the Notte Bianca - Lejl Imdawwal cultural programme in Valletta coordinated by the National Council for Culture and the Arts. “Turġien” is being held in collaboration with the British Council, who have supported Robert Minhinnick's three-week visit to Malta, the Youth Support Programme of teh Ministry of Education, Youth and Employment, the Manoel Theatre, the Latvian Literature Centre, and Literature Across Frontiers. See the full Notte Bianca - Lejl Imdawwal programme.

 

More information about “Turġien” and other local and international projects by Inizjamed are available at www.inizjamed.org.